Misirdə polis məntəqəsində yanğın zamanı 38 nəfər xəsarət alıb
Bakı, 2 oktyabr, AZƏRTAC
Misirin şimal-şərqində yerləşən İsmailiyyə şəhərindəki polis məntəqəsində yanğın baş verib.
AZƏRTAC Misirin Səhiyyə Nazirliyinə istinadla xəbər verir ki, yanğın nəticəsində binanın fasadı dağılıb. Azı 38 nəfər xəsarət alıb, onlardan 26-sı xəstəxanalara yerləşdirilib. Yanğın başlayan zaman polis məntəqəsinin binasında olan insanların dəqiq sayı və hadisənin səbəbləri barədə hələlik məlumat yoxdur.
Yanğının söndürüldüyü bildirilir.
Bölmənin digər xəbərləri
