Misli Premyer Liqası: “Zirə” səfərdə “Şamaxı”ya qalib gəlib
Bakı, 2 noyabr, AZƏRTAC
Misli Premyer Liqasında XII turun daha bir oyunu keçirilib.
AZƏRTAC xəbər verir ki, “Şamaxı” doğma meydanda “Zirə” ilə qarşılaşıb. Şamaxı şəhər stadionunda reallaşan görüş qonaqların 2:0 hesablı qələbəsi ilə yekunlaşıb.
Matçda qolları Junior Martins və Ruan Renato vurublar.
Bu nəticədən sonra “Zirə” 20 xalla 4-cü, “Şamaxı” isə 12 xalla 6-cı pillədə qərarlaşıb.
Qeyd edək ki, turun ötən gün keçirilmiş oyunlarında “Araz-Naxçıvan” “Neftçi”ni 1:0 hesabı ilə məğlub edib. “Turan Tovuz” – “Qarabağ” matçı isə qolsuz heç-heçə ilə nəticələnib. XII tura noyabrın 3-də təşkil olunacaq iki oyunla yekun vurulacaq.
Bölmənin digər xəbərləri
