Misli Premyer Liqasında daha iki oyun keçiriləcək
Bakı, 8 dekabr, AZƏRTAC
Bu gün Misli Premyer Liqasında XIV turun növbəti oyunları keçiriləcək.
AZƏRTAC xəbər verir ki, “Qəbələ” doğma meydanda “Turan Tovuz”la qarşılaşacaq. Görüş saat 17:00-da başlayacaq.
Tovuz klubu 24 xalla 4-cü, Qəbələ təmsilçisi isə 8 xalla 10-cu yerdədir.
Günün ikinci görüşündə "Sabah" evdə "Neftçi”ni qəbul edəcək. "Bank Respublika Arena"da oynanılacaq matç saat 20:00-da start götürəcək.
"Sabah" 25 xalla 3-cü, 16 xalı olan "Neftçi" isə 8-ci pillədədir.
Qeyd edək ki, XIV turun əvvəlki oyunlarında "Şamaxı" "Karvan-Yevlax"a 3:0 hesabı ilə qalib gəlib, "Zirə" isə "Qarabağ"la heç-heçə edib - 1:1. Tur dekabrın 9-da başa çatacaq.
Bölmənin digər xəbərləri
