MM güclü təsir edən maddələrin siyahısında dəyişikliklə bağlı layihəni I oxunuşda qəbul edib
Bakı, 6 oktyabr, AZƏRTAC
Güclü təsir edən maddələr və onların külli miqdarının, habelə zəhərli maddələrin siyahısında dəyişiklik edilir.
AZƏRTAC xəbər verir ki, bu, Milli Məclisin oktyabrın 6-da keçirilən iclasında müzakirəyə çıxarılan “Güclü təsir edən maddələr və onların külli miqdarının, habelə zəhərli maddələrin siyahılarının təsdiq edilməsi haqqında” qanun layihəsində öz əksini tapıb.
Təqdim olunan sənədə əsasən, narkotik vasitələrə və ya psixotrop maddələrə aid olmayan güclü təsir edən maddələrini satış məqsədi ilə qanunsuz hazırlama, emal etmə, əldə etmə, saxlama, daşıma və ya göndərmə əməllərini həyata keçirənlər cinayət məsuliyyətinə cəlb olunacaqlar.
Qanun layihəsi səsə qoyularaq birinci oxunuşda qəbul edilib.
Bölmənin digər xəbərləri
