MOİK AZƏRBAYCAN YIĞMASINA MƏĞLUB OLMUŞDUR
Bakı, 3 avqust (AZƏRTAC). Mərkəzi Ordu İdman Klubunun (MOİK) futbol komandası 2009/10 mövsümünə hazırlıq çərçivəsində Azərbaycan milli komandası ilə yoldaşlıq görüşü keçirmişdir. Zabrat qəsəbə stadionunda baş tutan oyunda “hərbçilər” 0:3 hesabı ilə uduzmuşlar. Hesabı ilk hissənin ortalarında Daniel Axtyamov açmışdır. Fasilədən sonra yığmamız daha iki qol vurmuşdur.
Matç milli komanda üçün avqustun 12-də dünya çempionatının seçmə mərhələsi çərçivəsində Almaniyaya qarşı keçiriləcək oyuna hazırlıq xarakteri daşıyırdı.
Azərbaycan milli komandasının futbolçularından qolları - Daniel Axtyamov (2) və Mahir Şükürov vurmuşdur.
Bölmənin digər xəbərləri
