Moldovada keçirilən beynəlxalq konfransda Ermənistanın işğalçılıq siyasəti pislənib
Bakı, 17 sentyabr (AZƏRTAC). Azərbaycan Respublikasının Prezidenti yanında QHT-lərə Dövlət Dəstəyi Şurasının dəstəyi ilə Moldovanın paytaxtı Kişinyovda “Ölkələrin ərazi bütövlüyü və insan haqlarının qorunması” adlı beynəlxalq konfrans keçirilib. Şuradan AZƏRTAC-a bildirilib ki, konfransda Moldova ilə yanaşı, Azərbaycan, Gürcüstan, İsrail, Ukrayna, Qazaxıstandan, eləcə də ATƏT və Avropa İttifaqından 100-ə yaxın QHT-nin təmsilçiləri, KİV, diplomatik korpus nümayəndələri, beynəlxalq ekspertlər iştirak ediblər.
Moldovanın sabiq Prezidenti Petru Luçinski və ombudsman Aurelia Qriqoriu, Azərbaycanın Moldovadakı səfiri Namiq Əliyev, İsrailin tanınmış eksperti Arye Qut və başqaları çıxış edərək ölkələrin ərazi bütövlüyü prinsipinə riayət edilməsinin zəruriliyini vurğulayıblar.
N.Əliyev BMT də daxil olmaqla bir çox beynəlxalq təşkilatların qəbul etdiyi qətnamə və bəyannamələrə baxmayaraq Ermənistanın 20 ildən artıqdır ki, Azərbaycan ərazisinin 20 faizini işğal altında saxladığını bildirib.
Səfir Azərbaycanda bütün sahələrdə uğurlu inkişafın müşahidə olunduğunu, Ermənistanın isə korrupsiya ilə və ciddi sosial problemlərlə üzləşdiyini bildirib.
Bölmənin digər xəbərləri
