MOLDOVADA MDB-NİN HİMAYƏSİ İLƏ “QƏRB-ANTİTERROR-2004” TƏLİMİ KEÇİRİLƏCƏK
AZƏRTAC-ın müxbiri Moldova KİV-lərinə istinadla xəbər verir ki, Müstəqil Dövlətlər Birliyinin Antiterror Mərkəzi iyunun 28-30-da bu ölkənin ərazisində Birlik dövlətlərinin terror əleyhinə bölmələrinin rəhbər heyətinin toplanışını keçirəcəkdir.
Tədbirdə MDB ölkələrinin təhlükəsizlik orqanlarının və xüsusi xidmət idarələrinin nümayəndə heyətləri iştirak edəcəklər.
Forum çərçivəsində “Qərb-Antiterror-2004” birgə komanda-qərargah təlimi keçiriləcəkdir. Təlimdə dəmir yol və hava nəqliyyatı obyektlərində təxribat-terror aksiyalarının qarşısının alınmasına dair əməliyyat-axtarış tədbirlərinin və xüsusi əməliyyatların təşkili və aparılması ilə bağlı kompleks məsələlər öyrəniləcəkdir.
Bölmənin digər xəbərləri
