MONTREALDA BMT-NİN İQLİM KONFRANSİ KEÇİRİLMİŞDİR
Konfransda 183 dövləti, BMT-nin 11 xüsusi agentlik və təşkilatını, 35 hökumətlərarası və 362 qeyri-hökumət təşkilatı, 287 kütləvi informasiya vasitəsini təmsil edən 10 minə yaxın nümayəndə iştirak etmişdir.
Respublikamızı bu Konfransda Ekologiya və Təbii Sərvətlər Nazirliyinin və Kanadadakı Səfirliyimizin nümayəndələri təmsil etmişlər.
Konfransın xüsusi qonağı – ABŞ-ın sabiq prezidenti Bill Klinton iqlim dəyişiklikləri probleminin ciddiliyini vurğulamış, dünya dövlətləri və ictimaiyyətinə müraciət etmişdir.
Çıxış edən nümayəndələr iqlim dəyişikliyini bəşəriyyətin üzləşdiyi ən ciddi problem adlandırmışlar. İqlim Dəyişiklikləri üzrə Çərçivə Konvensiyasının müxtəlif sahələrinə, o cümlədən Kioto Protokolunun icrasina dair qərarlar qəbul edilmişdir.
