Mozambikdə yol-nəqliyyat hadisəsi nəticəsində 31 nəfər ölüb
Bakı, 4 iyul, AZƏRTAC
Mozambikin Maputu əyalətində üç avtomobilin toqquşması nəticəsində 31 nəfər ölüb, 11 nəfər ağır yaralanıb.
AZƏRTAC xəbər verir ki, bu barədə Radio Mozambique radiostansiyası yerli hakimiyyət orqanlarına istinadla məlumat yayıb. Məlumata görə, avtobus iki yük avtomobili ilə toqquşub.
Əyalət bələdiyyəsinin başçısı Kristin Mafumo bildirib ki, qəzada ümumilikdə 57 nəfər yaralanıb. Onlardan 15-i yüngül və orta dərəcəli bədən xəsarətləri alıb, 11 nəfər xəstəxanadan buraxılıb.
Qəzaya yolda pis görüntü və yüksək sürətin səbəb olduğu ehtimal edilir.
Bölmənin digər xəbərləri
