Münxen hava limanı şübhəli müşahidələrlə əlaqədar gecə saatlarında qısa müddətə bağlanıb
Berlin, 19 oktyabr, AZƏRTAC
Münxen aeroportu ötən gecə şübhəli müşahidələrə görə iki dəfə müvəqqəti bağlanıb.
AZƏRTAC yerli mediaya istinadla xəbər verir ki, ötən gün axşam saat 22:00 radələrində uçuşlar təxminən yarım saatlıq dayandırılıb. Saat 23:00 radələrində isə daha bir qısa fasilə elan olunub. Buna şübhəli müşahidələrin səbəb olduğu bildirilib. Hələlik bu müşahidələrin dron görüntüləri olub-olmadığı aydın deyil. Səhər saatlarında uçuşlar normal qaydada davam edib.
Xatırladaq ki, oktyabrın əvvəlində də Münxen hava limanı dron müşahidələri ehtimalına görə iki dəfə bağlanmış, 10 minədək sərnişin aeroportda gözləməli olmuşdu. Dron müşahidələrinin artması ilə əlaqədar Almaniya hökuməti federal polisə dronları vurmaq üçün daha geniş səlahiyyətlərin verilməsini planlaşdırır.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
