Murmanskda Xocalı soyqırımı haqqında DVD buraxılmışdır
Murmansk, 22 mart (AZƏRTAC). Murmansk şəhərinin səsyazma studiyalarından birində “Xocalı soyqırımının 21-ci ildönümünə həsr olunmuş tədbir” adlı DVD-disk buraxılmışdır.
AZƏRTAC xəbər verir ki, disk Ümumrusiya Azərbaycanlıları Konqresinin (ÜAK) Murmansk regional şöbəsinin xüsusi sifarişi ilə hazırlanmışdır.
Qeyd etmək lazımdır ki, 500 nüsxə tirajla buraxılmış disk satış üçün nəzərdə tutulmamışdır. Disk regionun konsul və diplomatik idarələrinə, milli diasporlara və Murmansk Milli Mədəniyyətlər Mərkəzində birləşmiş cəmiyyətlərə verilmişdir.
Disk üzərində Azərbaycan və Rusiyanın tanınmış jurnalistləri və teleoperatorları işləmişlər.
Bunu da qeyd edək ki, diskə daxil edilmiş videomaterialın bir hissəsi You Tube saytında da yerləşdirilmişdir:
Bölmənin digər xəbərləri
