Müşahidəçi: Heç bir pozuntu halına rast gəlməmişik
Bakı, 7 fevral, Göyçək Mahmudlu, AZƏRTAC
Səhər saat 8-dən etibarən 16 saylı Yasamal 2-ci seçki dairəsinin 3 və 4 saylı məntəqələrinə vətəndaşların axını var. Hətta səsvermə prosesinin başlandığı ilk dəqiqələrdə 100-150 nəfərədək seçicinin eyni anda seçkilərdə iştirak üçün gəldiyini müşahidə etdik. Vətəndaşlarda əhval-ruhiyyə çox yaxşıdır. Hər kəs seçkilərdə aktiv iştiraka vətəndaş borcu olaraq yanaşır. Hətta sağlamlığında müəyyən problemlər olanlar, xəstələr, ahıl yaşlı vətəndaşlar da özləri məntəqələrə gəlirlər.
Bunu AZƏRTAC-a müsahibəsində müşahidəçi Aqşin Kərimov deyib.
"İyirmiyə yaxın yerli müşahidəçi prosesi yaxından izləyir. Səsverməyə gələn vətəndaşların qarşılanması və yola salınması proseslərinə də diqqət yetiririk. Heç bir pozuntu halına rast gəlməmişik. Vətəndaşlar öz seçki hüquqlarından heç bir problem olmadan yararlanırlar", - deyə A.Kərimov bildirib.
Bölmənin digər xəbərləri
