Musiqi məktəbi Xocalı faciəsinə həsr olunmuş ədəbi-bədii kompozisiya hazırlayıb
Bakı, 1 mart, AZƏRTAC
Bakı Şəhər Mədəniyyət Baş İdarəsi M.Maqomayev adına 26 nömrəli onbirillik musiqi məktəbinin nəzəriyyə sinfinin şagirdləri Xocalı soyqırımının 29-cu ildönümünə həsr olunmuş ədəbi-bədii kompozisiya hazırlayıb.
İdarədən AZƏRTAC-a bildirilib ki, internet üzərindən təqdim edilən və müəllim Samirə Quliyevanın təşkilatçılığı ilə ərsəyə gələn kompozisiyada 1992-ci il fevralın 25-dən 26-na keçən gecə baş vermiş erməni vəhşiliyindən, körpəyə, qocaya, uşaqlı analara qarşı törədilmiş insanlığa sığmayan işgəncələr və görülməmiş qətllərdən bəhs edilir.
Ədəbi-bədii kompozisiya M.Maqomayev adına 26 nömrəli onbirillik musiqi məktəbinin “Facebook” və “Instagram” hesablarında #JusticeForKhojaly həştəqi ilə paylaşılıb.
Bölmənin digər xəbərləri
