Naxçıvanın 2025-ci il büdcəsinin icrasına dair məsələ müzakirəyə çıxarılıb
Naxçıvan, 9 iyul, AZƏRTAC
İyulun 9-da Naxçıvan Muxtar Respublikası Ali Məclisinin İqtisadi siyasət komitəsinin iclası keçirilib.
Ali Məclisin mətbuat xidmətindən AZƏRTAC-ın bölgə müxbirinə verilən məlumata görə, komitə sədri Mübariz Bayramov gündəlikdə duran məsələnin ikinci oxunuşda olan “Naxçıvan Muxtar Respublikasının 2025-ci il büdcəsinin icrası haqqında” Naxçıvan Muxtar Respublikasının qanun layihəsinin müzakirəsi olduğunu bildirib.
İclasda Naxçıvan Muxtar Respublikası maliyyə nazirinin müavini Elvin Əlimərdanov və Azərbaycan Respublikası Hesablama Palatasının Naxçıvan Muxtar Respublikası üzrə İdarəsinin rəis müavini Əhməd Qənbərov qanun layihəsi ilə bağlı məlumat veriblər.
Gündəlikdə duran məsələ ətrafında müzakirələr aparıldıqdan sonra komitənin rəyi oxunub, “Naxçıvan Muxtar Respublikasının 2025-ci il büdcəsinin icrası haqqında” Naxçıvan Muxtar Respublikasının qanun layihəsi Ali Məclisin plenar iclasının müzakirəsinə təqdim olunub.
Qeyd edək ki, iclasda Ali Məclisin komitə sədrləri və müavinləri, Ali Məclisin və Nazirlər Kabineti aparatlarının nümayəndələri də iştirak ediblər.
Müxbir - Nail Əsgərov
Bölmənin digər xəbərləri
