Nazir: Azərbaycan pensiyanın alıcılıq qabiliyyətinə görə MDB məkanında birinci yerdədir
Bakı, 2 iyun, AZƏRTAC
Ümumi göstəricilərə görə, Azərbaycan minimum və orta aylıq pensiyanın alıcılıq qabiliyyətinə görə MDB məkanında birinci yerdədir. Pensiyanın nominal məbləğlərinə görə isə ikinci yerdəyik.
AZƏRTAC xəbər verir ki, bu sözləri əmək və əhalinin sosial müdafiəsi naziri Sahil Babayev Milli Məclisin İqtisadi siyasət, sənaye və sahibkarlıq və Əmək və sosial siyasət komitələrinin iyunun 2-də keçirilən birgə iclasında deyib.
“Məşğulluğa nəzər salsaq görərik ki, dörd ay ərzində 18 min şəxs işlə təmin edilib. Son beş ildə isə 1 milyon vətəndaşımız müxtəlif məşğulluq proqramlarına cəlb olunub. Əmək müqavilələrinin bağlanmasında da ciddi artımlar var. Belə ki, 450 mindən çox əmək müqaviləsinin bağlanmasına şahid olmuşuq”, - deyə nazir qeyd edib.
Bölmənin digər xəbərləri
