Nazir: Azərbaycanla Monteneqro arasında humanitar sahədə böyük potensial mövcuddur
Bakı, 20 dekabr, AZƏRTAC
Azərbaycanla Monteneqro arasında humanitar sahədə böyük potensial mövcuddur. Xüsusilə təhsil, mədəniyyət və idman sahələrində əməkdaşlıq üçün geniş imkanlar var. Bu çərçivədə təqaüd proqramlarından Monteneqrodan olan tələbələrin də yararlanması nəzərdə tutulur.
AZƏRTAC xəbər verir ki, bu fikirləri Azərbaycanın xarici işlər naziri Ceyhun Bayramov monteneqrolu həmkarı Ervin İbrahimoviç ilə keçirilən brifinqdə söyləyib.
Nazir bildirib ki, iki ölkə arasında həm ikitərəfli, həm də çoxtərəfli platformalarda əməkdaşlıq mövcuddur: “Beynəlxalq təşkilatlarda namizədlərin irəli sürülməsi və seçilməsi zamanı bir-birimizə qarşılıqlı dəstək göstəririk”.
Bölmənin digər xəbərləri
