CƏMİYYƏT
Nazir: Gəncləri iqlim dəyişikliyi ilə mübarizə tədbirlərində fəal iştiraka dəvət edirəm
Bakı, 12 noyabr, AZƏRTAC
“Gənclər və İdman Nazirliyi olaraq Bakıda və ölkənin digər bölgələrində iqlimin mühafizəsi ilə bağlı keçirilən tədbirlərimizin sayı kifayət qədər çoxdur”.
AZƏRTAC xəbər verir ki, bu sözləri jurnalistlərə açıqlamasında gənclər və idman naziri Fərid Qayıbov deyib.
O qeyd edib ki, keçirilən tədbirlərdə gənclərin iştirakı olduqca vacibdir: “COP29 çərçivəsində hər gün Yaşıl Zonada gənclər üçün tematik tədbirlər keçirilir.
Mən fürsətdən istifadə edib, bütün gənclərimizi iqlim dəyişikliyi ilə mübarizə tədbirlərində fəal iştiraka dəvət edirəm.
Bundan əlavə, noyabrın 18-də nazirliyin Mavi Zonada tədbiri olacaq. Noyabrın 16-da isə “Qarabağ” futbol klubu və Avropanın müxtəlif futbol klubları ilə bərabər bir tədbir keçirəcəyik”.
Bölmənin digər xəbərləri
