Nazir: Ötən il qeyri-neft gəlirləri cari xərcləri 90 faiz qarşılayıb
Bakı, 27 may, AZƏRTAC
2024-cü ildə dövlət büdcəsinin 21,3 milyard manatlıq cari xərclərinin 90 faizi qeyri-neft sektorundan daxilolmalar hesabına qarşılanıb. Bu, fiskal dayanıqlılığın gücləndiyini və büdcənin neftdən asılılığının azaldığını göstərir.
AZƏRTAC xəbər verir ki, bu fikirləri maliyyə naziri Sahil Babayev Milli Məclisin İqtisadi siyasət, sənaye və sahibkarlıq komitəsində Azərbaycan Respublikasının 2024-cü il dövlət büdcəsinin icrasına dair qanun layihəsinin müzakirəsi zamanı çıxışında səsləndirib.
Maliyyə naziri bildirib ki, cari xərclərin büdcədəki xüsusi çəkisi əvvəlki illə müqayisədə 1 faiz-bəndi artaraq 56,6 faizə yüksəlib, əsaslı xərclərin payı isə 1,2 faiz-bəndi azalıb.
Bölmənin digər xəbərləri
