NƏQLİYYAT SAHƏSİNDƏ VAHİD HÜQUQİ BAZA YARADILIR
TRASEKA proqramının iştirakçısı olan dövlətlər “Tranzit daşımalar üçün ümumi hüquqi baza”nın işlənilməsi çərçivəsində təkliflər hazırlamağa başlamışlar. Yeni, vahid hüquqi bazanın yaradılması Avropa-Qafqaz-Asiya nəqliyyat dəhlizinin işinə necə təsir edəcəkdir? TRASEKA Hökumətlərarası Komissiyasının Azərbaycan üzrə Milli Katibi Akif Mustafayev AZƏRTAC-ın müxbirinin bu sualına cavab verərək demişdir: Bu proqramda 12 dövlət iştirak edir. Onların hər birinin nəqliyyatla bağlı öz qanunvericilik bazası var. Bunlar bir-birinə uyğunlaşdırılarsa, əlbəttə, ümumi işimizin nəticəsi daha səmərəli olar. Nəqliyyat dəhlizində onsuz da daşımaların həcmi getdikcə çoxalır. Məsələn, 1995-ci illə müqayisədə ötən il təkcə neft məhsşullarının daşımnası 20 dəfədən çox artmışdır. Ümumiyyətlə, yükdaşımalarda hər il 20 faiz artım müşahidə edilir. Vahid hüquqi baza yaranarsa, bu rəqəm daha yüksək olar.
Bölmənin digər xəbərləri
