Nərimanov rayonunda sosial təcrid tədbirlərinə əməl etməyən koronavirus xəstəsi saxlanılıb
Bakı, 5 dekabr, AZƏRTAC
COVID-19 infeksiyasının kütləvi yayılmasının qarşısının alınması məqsədilə tətbiq edilən xüsusi karantin rejimi ilə əlaqədar aktiv koronavirus xəstələri ilə bağlı nəzarət-profilaktik tədbirlər gücləndirilib.
Daxili İşlər Nazirliyinin mətbuat xidmətindən AZƏRTAC-a bildiriblər ki, Nərimanov Rayon Polis İdarəsinin əməkdaşları rayon ərazisində sosial təcrid, özünü̈ təcrid tədbirlərinə əməl etməyən 25 yaşlı aktiv koronavirus xəstəsi Elvin İbrahimovu müəyyənləşdirərək saxlayıblar. E.İbrahimov müvafiq tibbi qaydalar gözlənilməklə ictimai yerdə müəyyənləşdirilərək yaşadığı evə qaytarılıb və bu barədə aidiyyəti səhiyyə qurumları məlumatlandırılıb.
Onun barəsində toplanan materiallar Nərimanov Rayon Polis İdarəsinin İstintaq şöbəsinə göndərilib. E.İbrahimov barəsində Cinayət Məcəlləsinin 139-1.1-ci (epidemiya əleyhinə və karantin rejimlərinin pozulması) maddəsi ilə cinayət işi başlanıb. İstintaq araşdırmaları davam etdirilir.
Bölmənin digər xəbərləri
