NƏRMİN KAZIMOVA ŞAHMATÇI QADINLARIN RESPUBLİKA BİRİNCİLİYİNDƏ LİDERDİR
AZƏRTAC xəbər verir ki, Bakıda şahmatçı qadınlar arasında keçirilən respublika çempionatında 5-ci tura yekun vurulmuşdur.
Bu turda Gülnarə Məmmədovanı məğlubiyyətə uğratmış Nərmin Kazımova 4.5 xalla turnir cədvəlinin ən yüksək pilləsinə qalxmışdır.
Digər görüşlərdə Nərgiz Umudova, Xəyalə Abdulla, Türkan Məmmədyarova Səbinə İbrahimova, Afaq Xudaverdiyeva Natəvan Yelmarova qələbə qazanmışlar. Zeynəb Məmmədyarova - Elmira Əliyeva və Xəyalə İsgəndərova - Mehriban Şükürova qarşılaşmasında heç-heçə qeydə alınmışdır.
Nəticədə hər biri 4 xal toplamış Türkan Məmmədyarova və Xəyalə İsgəndərova 2-3-cü yerləri bölüşürlər. Zeynəb Məmmədyarova 3.5 xal, Nərgiz Umudova 3 xal, Xəyalə Abdulla və Gülnar Məmmədova hərəyə 2 xal, Mehriban Şükürova, Natəvan Yelmarova və Afaq Xudaverdiyeva hər biri 1.5 xal toplamışlar.
Bölmənin digər xəbərləri
