“New Greek Tv” kanalı: Azərbaycan insani yardım çağırışlarına ilk cavab verən ölkələrdəndir

27.08.2014 [19:25]
Çap et
A⁺ A^-

London, 27 avqust (AZƏRTAC). “New Greek Tv” kanalı Azərbaycanın beynəlxalq humanitar dəstəyinin yüksək qiymətləndirilməsindən bəhs edib.

ABŞ-da fəaliyyət göstərən yunan kanalının rəsmi saytında “ELPIDA” xərçəng xəstəliyinə tutulan uşaqların Dostluq Assosiasiyasına ölkəmizdən göstərilən dəstəyin təqdirəlayiq olduğu qeyd edilib.

Yazıda ELPIDA-nın təsisçisi və prezidenti, UNESCO-nun xoşməramlı səfiri Marianna Vardinoyannisə istinadən Azərbaycan və Yunanıstan arasında münasibətlərin yüksək səviyyədə olduğu vurğulanır. Qeyd edilir ki, Azərbaycan insani yardım çağırışlarına ilk cavab verən ölkələrdəndir. M.Vardinoyannis vurğulayır ki, Azərbaycanın birinci xanımı, Heydər Əliyev Fondunun prezidenti Mehriban Əliyeva ELPIDA-nı Azərbaycandan ilk ziyarət edən şəxs olmaqla bu təşkilata böyük dəstək göstərib.

Məqalənin tam mətnini aşağıdakı linkdən oxumaq mümkündür: http://newgreektv.com/index.php/world/item/10433-elpida-cancer-foundation-commends-azerbaijans-efforts

Orxan İsmayılov

AZƏRTAC-ın xüsusi müxbiri

London