“Nicos Cosmetics” şirkəti Azərbaycan Qran-Prisi zamanı marşallara dəstək göstərib
Bakı, 10 iyul, AZƏRTAC
Kosmetik məhsulların istehsalçısı “Nicos Cosmetics” şirkəti Bakıda təşkil olunan Formula-1 Azərbaycan Qran-Prisi zamanı fəaliyyət göstərən marşalları saç və dəri üçün olan məhsullar ilə təmin edib.
“Bakı Şəhər Halqası” Əməliyyat Şirkətindən AZƏRTAC-a bildiriblər ki, “Nicos Cosmetics”in rəhbərliyi Bakı Marşal Klubu çərçivəsində yarışın rəsmiləri qismində iştirak edən marşallara dəstək göstərməkdən böyük qürur duyduğunu bildirir və yarışda iştirak edən bütün marşallara gələcək fəaliyyətlərində uğurlar arzulayır.
Bakı Marşal Klubu da öz növbəsində marşallara göstərdiyi dəstəyə görə şirkət rəhbərliyinə minnətdarlığını bildirir.
Bölmənin digər xəbərləri
