Nijni Novqorodda istilik sistemində qəza nəticəsində 10 nəfər xəsarət alıb
Moskva, 16 yanvar, AZƏRTAC
Rusiyanın Nijni Novqorod şəhərində mərkəzi istilik sistemi borusunun partlaması nəticəsində 10 nəfər xəsarət alıb.
AZƏRTAC xəbər verir ki, bu barədə Nijni Novqorod Tibbi Fəlakətlər Mərkəzi məlumat yayıb.
Nijni Novqorodun mərkəzində baş vermiş hadisə nəticəsində 10 nəfərin, o cümlədən iki uşağın ayaqları yanıb, ətraf binaların istilik təchizatı kəsilib. Hazırda hadisə yerində təmir işləri aparılır.
Xəsarət alanlar xəstəxanaya yerləşdirilib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
