NİYYƏT PROTOKOLUNUN İMZALANMASI DAHA SIX ƏLAQƏLƏR YARATMAĞA İMKAN VERƏCƏKDİR

25.05.2004 [14:20]
Çap et
A⁺ A^-

Dövlət Gömrük Komitəsinin Xarici Əlaqələr İdarəsinin rəisi Dilavər Fərzəliyev AZƏRTAC-a demişdir ki, Prezident İlham Əliyevin Belçika Krallığına işgüzar səfəri zamanı Azərbaycan Respublikası Dövlət Gömrük Komitəsi və Ümumdünya Gömrük Təşkilatı arasında imzalanmış niyyət protokolu DGK ilə ÜGT, eləcə də bu beynəlxalq quruma üzv olan ölkələr arasında daha sıx əlaqələrin qurulmasına geniş imkanlar yaradacaqdır. Sənəddə müasir mərhələdə ticarətin qloballaşdırılması ilə əlaqədar gömrük orqanının üzləşdiyi vəzifələr, sərhədlərin təhlükəsizliyi, Böyük İpək Yolu vasitəsilə narkotiklərin dövriyyəsinə dair xüsusi regional problemlərin birgə həlli ön plana çəkilmişdir.

Protokolda beynəlxalq ticarətin inkişafı və sadələşdirilməsi məqsədi ilə Azərbaycanda qanunların beynəlxalq sənədlərə uyğunlaşdırması göstərilir və buna misal olaraq, malların təsviri və kodlaşdırılması üzrə Harmonik Sistem haqqında və gömrük hüquqpozmalarının qarşısının alınması və aradan qaldırılmasına dair qarşılıqlı inzibati yardım haqqında beynəlxalq Konvensiyaların qəbul olunduğu xüsusi vurğulanır.

Ümumiyyətlə, ölkəmizdə gömrük orqanlarının üzərinə regionda beynəlxalq ticarətin mühafizəsi və kütləvi qırğın silahlarının və narkotik vasitələrin daşınmasının qarşısının alınmasında mühüm vəzifələr düşür və bu vəzifələr layiqincə yerinə yetirilir.

NİYYƏT PROTOKOLUNUN İMZALANMASI DAHA SIX ƏLAQƏLƏR YARATMAĞA İMKAN VERƏCƏKDİR

MÜƏLLİFLƏ ƏLAQƏ