NİZAMİ PAŞAYEV DÜNYA ÇEMPİONUDUR
Nizami Paşayev Varşavada kişilər arasında ağır atletika üzrə dünya çempionatında qızıl medal qazanmışdır.
Gənclər arasında dünya çempionu olan Nizami dəfələrlə dünya və Avropa çempionatlarının mükafatçısı adlarına 94 kiloqram çəki dərəcəsində planetin ən yaxşı atleti titulunu da əlavə etmişdir. O, birdən 177,5 kiloqram, təkanla 215 kiloqram ağırlıq qaldıraraq, iki hərəkətin cəmində 392,5 kiloqram nəticə göstərmişdir. Uzun illər bu çəki dərəcəsində rusiyalı və bolqarıstanlı idmançılar irəlidə gedirdilər. Atletimiz bu çəki dərəcəsində qızıl medal qazanmaqla Afinada keçiriləcək Olimpiya oyunlarında qələbəyə namizəd olduğunu göstərdi.
Bölmənin digər xəbərləri
