NORVEÇ ÖZ KONTİNGENTİNİ İRAQDAN ÇIXARMIŞDIR

06.07.2004 [18:31]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Norveç öz hərbi kontingentini İraqdan çıxarmışdır. Bəsrə şəhərində yerləşən 130 Norveç hərbçisi vətənə dönmüşdür.

Norveç XİN-in başçısı Yan Petersenin sözlərinə görə, qoşunların çıxarılması barədə qərar Norveç hərbçilərinin hazırda Əfqanıstanda və Kosovoda sülhməramlı əməliyyatlarda iştirakı ilə bağlıdır. Petersen demişdir: ”Hərbçilərimiz eyni vaxtda hər yerdə ola bilməzlər”. O, qoşunların çıxarılması qərarının siyasətlə əlaqədar olmadığını vurğulamışdır.

Norveç kontingenti İraqda, əsasən, mühəndis məsələlərini həll etməklə və bu ərazilərin minasızlaşdırılması ilə məşğul olurdu.