Növbəti “Tullantıları ekoçantaya dəyiş” aksiyası keçiriləcək
Bakı, 8 iyun, AZƏRTAC
Ekologiya və Təbii Sərvətlər Nazirliyi və “Neptun” supermarketlər şəbəkəsinin birgə təşkilatçılığı ilə “Tullantıları ekoçantaya dəyiş” aksiyası iyunun 11-də Memar Əcəmi metro stansiyası yaxınlığındakı “Neptun” supermarketin qarşısında keçiriləcək.
Nazirliyin mətbuat xidmətindən AZƏRTAC-a verilən məlumata görə, aksiya zamanı vətəndaşlar ümumi tutumu minimum 35 litr olan plastik butulka, 5 litr tutumu olan şüşə butulka/banka və ya 10 ədəd işlənmiş batareya təhvil verərək əvəzində ekoçanta əldə edə biləcəklər.
Nazirlik hər kəsi aksiyada fəal iştirak etməyə, tullantıların təkrar emalına dəstək olmağa çağırır.
Aksiya Nəsimi rayonu, Asif Məhərrəmov, 20 C ünvanında yerləşən “ Neptun” supermarketdə saat 12:00-da keçiriləcək.
Bölmənin digər xəbərləri
