“NURLAN” NƏŞRİYYATINDA YENİ KİTABLAR İŞIQ ÜZÜ GÖRMÜŞDÜR

23.10.2005 [19:00]
Çap et
A⁺ A^-

“Nurlan” nəşriyyatının direktoru Nadir Məmmədli AZƏRTAC-ın müxbirinə bildirmişdir ki, son vaxtlar burada “Azərbaycan-Gürcüstan. Dostluğumuz əbədidir” ( Azərbaycan və gürcü dillərində), “Tibbi jurnalistika” (2 cilddə), Salman Mümtazın “Mirzə Şəfi Vazeh”, filologiya elmləri doktoru, professor Həsən Quliyevin ”Məhəmməd Əsəd bəyin (Qurban Səidin) həyat və yaradıcılığı” (rus dilində), Ülviyyə Hacıyevanın “ XIX əsrdə Qafqaz albanlarının etniksizləşdirilməsi” (rus dilində), Yaqut Bahadurqızının “Qoca Şirvanın balasıyam mən” və s. kitablar çap olunmuşdur.

Nəşriyyat görkəmli Azərbaycan mühacir naşiri, XX əsrdə Avropada 100 ən çox oxunan yazıçılar siyahısına düşmüş Məhəmməd Əsəd bəyi oxucularımıza daha yaxından tanıtmaq məqsədilə onun məşhur “Əli və Nino”, “Altunsaç” romanlarını, elecə də “Stalin” və “Ağ qvardiya” ( rus dilində) əsərlərini çap etmişdir.

Hazırda nəşriyyatda Almaniyada yaşayan soydaşımız, şairə Nuridə Atəşin şeirlər toplusu, habelə Nikolay Qumilyovun biosferlə bağlı məşhur kitabının çapına hazırlıq işləri gedir və onlar yaxın zamanda işıq üzü görəcəkdir.

“NURLAN” NƏŞRİYYATINDA YENİ KİTABLAR İŞIQ ÜZÜ GÖRMÜŞDÜR

MÜƏLLİFLƏ ƏLAQƏ

Bölmənin digər xəbərləri