Oktyabrın 4-də Gürcüstanda keçiriləcək seçkilər rəqəmlərin dili ilə
Tbilisi, 2 oktyabr, AZƏRTAC
Oktyabrın 4-də Gürcüstanda yerli bələdiyyə seçkiləri keçiriləcək.
AZƏRTAC xəbər verir ki, həmin gün seçicilər 64 şəhər və rayonun merini, sakrebula (bələdiyyə) 2044 deputat seçəcəklər. Seçkilərdə 12 siyasi partiya iştirak edəcək.
Gürcüstan Mərkəzi Seçki Komissiyasının son məlumatına görə, mer vəzifəsi uğrunda 122 namizəd, sakrebulun deputat mandatı uğrunda isə 5300 namizəd mübarizə aparacaq. Seçkilərlə əlaqədar 10-u həbsxanalarda olmaqla 3061 seçki məntəqəsi yaradılıb. Səsvermənin gedişini 29 beynəlxalq təşkilatın müşahidə missiyası və 23 yerli təşkilatın müşahidə qrupu, 56 media nümayəndəsi izləyəcək.
Builki seçkilərlə əlaqədar 3 513 818 seçici qeydiyyata alınıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
