Oktyabrın 7-dən bəri İsrail ordusunun itkiləri 410 nəfərə çatıb
Bakı, 6 dekabr, AZƏRTAC
Qəzza sektorunda davam edən döyüşlər nəticəsində İsrail ordusunun daha 4 əsgəri öldürülüb. Beləliklə, münaqişənin kəskinləşdiyi vaxtdan -oktyabrın 7-dən bəri həlak olan israilli hərbçilərin sayı 410 nəfərə çatıb .
AZƏRTAC xəbər verir ki, bu barədə məlumat İsrail müdafiə ordusunun mətbuat xidmətinin saytında yer alıb.
Məlumata görə, dekabrın 5-də HƏMAS hərəkatı ilə toqquşmalar zamanı İsrail ordusunun üçü mayor, biri isə polkovnik-leytenant olmaqla, dörd hərbçisi həlak olub. Bununla da Qəzza sektorunda yerüstü əməliyyatların gedişində SAXAL-ın itkiləri 84 nəfərə yüksəlib.
Xatırladaq ki, dekabrın 1-də İsrail HƏMAS hərəkatını atəşkəsi pozmaqda ittiham edərək Qəzza zolağında döyüşləri bərpa edib.
Bölmənin digər xəbərləri
