ÖLKƏ FUTBOL ÇEMPİONATININ BİRİNCİ DƏSTƏSİNDƏNÖVBƏTİ TURUN OYUNLARI KEÇİRİLMİŞDİR

21.10.2005 [17:34]
Çap et
A⁺ A^-

AZƏRTAC xəbər verir ki, ölkə futbol çempionatının birinci dəstəsində altıncı turun oyunları keçirilmişdir. Bakıda güclülər dəstəsinə çıxmaq uğrunda mübarizə aparan iki klub - yerli “Ədliyyə” və “Göygöl” (Xanlar) komandaları üz-üzə gəlmişlər. Qarşılıqlı hücumlar şəraitində keçən oyun Xanlar futbolçularının 1:0 hesablı qələbəsi ilə başa çatmışdır.

Digər oyunlarda aşağıdakı nəticələr qeydə alınmışdır: “Xəzər Lənkəran–2”–“ABN” (Bərdə) 2:0, “Şərur” (Bakı)–“Yeni Yevlax” 1:0, “Anşad–Petrol” (Neftçala)–“Gənclər birliyi-2” (Sumqayıt) 2:0, U-17 (Bakı)–“Şahdağ-2” (Qusar) 7:1, “Rote Fane” (Tovuz)–“Energetik” (Mingəçevir) 6:2, “Viləş” (Masallı)–Bakılı 1:1.

Beləliklə, “Göygöl” klubu 16 xalla turnir cədvəlinin birinci pilləsində qərarlaşmışdır. Hərəyə 13 xal toplamış “Ədliyyə” və “Xəzər-Lənkəran-2” isə, müvafiq olaraq, ikinci–üçüncü yerləri bölüşürlər.

Növbəti turun oyunları oktyabrın 26-da keçiriləcəkdir.