“ÖLÜLƏR” ƏSƏRİ BALAKƏN SƏHNƏSİNDƏ
AZƏRTAC-ın müxbiri xəbər verir ki, Balakən rayon Mədəniyyət evində Cəlil Məmmədquluzadənin “Ölülər” əsəri əsasında hazırlanan tamaşaya ictimai baxış keçirilmişdir. “Molla Nəsrəddin” jurnalının 100 illik yubileyi ilə əlaqədar hazırlanan bu tamaşa Katex kəndində fəaliyyət göstərən mədəniyyət müəssisələri işçilərinin birgə səyi ilə səhnələşdirilmişdir. Tamaşanın quruluşçu rejissoru kənd mədəniyyət evinin direktoru Nərgiz Hacıyevadır. Əsas rolları Nazim Manafov, Zahid Məmmədov, Kərimət Müslümova, Çinayət Atayeva və başqaları ifa edirlər.
İlk tamaşada rayonda səfərdə olan milli siyasət məsələləri üzrə dövlət müşaviri Hidayət Orucov və Prezidentin İcra Aparatının məsul işçisi Rəhim Abbasov da iştirak etmişlər.
Bölmənin digər xəbərləri
