Onlayn seminar: Psixoloji testlərin standartlaşdırılması
Bakı, 8 dekabr, AZƏRTAC
Xəzər Universitetinin Psixologiya departamentinin təşkilatçılığı ilə professor Adnan Kan “Psixoloji testlərin standartlaşdırılması” mövzusunda onlayn seminar keçirib.
Universitetdən AZƏRTAC-a bildirilib ki, seminarda Xəzər Universitetinin tələbələri ilə yanaşı, digər ali məktəblərin tələbələri və psixoloqları iştirak ediblər.
Adnan Kan çıxışından sonra testlərin Azərbaycanda tətbiqində ortaya çıxa biləcək problemlərlə bağlı sualları cavablandıraraq, həll yolları təklif edib.
İştirakçılar Xəzər Universitetinin Psixologiya departamentinin ənənə halını alan bu seminarlarını yüksək qiymətləndiriblər.
Qeyd edək ki, professor Adnan Kan Türkiyənin Kan Qazi Universitetinin Ölçmə və Dəyərləndirmə Mərkəzinin koordinatorudur. O, Tələbə Seçmə və Yerləşdirmə Mərkəzi, Yunus Əmrə İnstitutu və Milli Təhsil Nazirliyində mütəxəssis və rəyçi olaraq fəaliyyət göstərir.
Bölmənin digər xəbərləri
