Opera və Balet Teatrı azyaşlı tamaşaçılarını unutmayıb
Bakı, 8 aprel, AZƏRTAC
Aprelin 9-da Azərbaycan Dövlət Akademik Opera və Balet Teatrı azyaşlı tamaşaçıları üçün Leonid Vaynşteynin “Çəkməli pişik” operasını təqdim edəcək.
Bu barədə AZƏRTAC-a teatrdan bildirilib.
Librettosunun müəllifi bəstəkarın özü olan səhnə əsərinin quruluşçu rejissoru Əməkdar incəsənət xadimi Əli Usubovdur.
İki pərdəli operada çəkmə vasitəsilə üstün bacarıqlarını ortaya çıxaran pişik, qısa müddətdə qəhrəmana çevrilir. Azyaşlı tamaşaçılar bu qəhrəmanın hekayəsini operada maraqla izləyə biləcəklər.
Biletlər teatrın kassası ilə yanaşı, şəhərin bütün kassalarından və iticket.az saytından əldə etmək olar.
Bölmənin digər xəbərləri
