Orxan Məmmədov Azərbaycan Premyer Liqasında sonuncu dəfə baş hakim kimi meydana çıxacaq
Bakı, 13 mart, AZƏRTAC
Beynəlxalq dərəcəli hakim Orxan Məmmədov Azərbaycan Premyer Liqasının həftəsonu keçiriləcək “Qarabağ” - “Sabah” qarşılaşmasında sonuncu dəfə baş hakim kimi meydana çıxacaq.
AZƏRTAC AFFA-ya istinadla xəbər verir ki, bundan sonrakı karyerasını həvəskar və qadın hakimlərin təlimatçısı kimi davam etdirməyə qərar verən O.Məmmədov imtahanları uğurla verəcəyi təqdirdə 2021/2022-ci il mövsümündən hakim-inspektor kimi Premyer Liqa oyunlarına təyinat ala biləcək.
Xatırladaq ki, 2005-ci ildən hakimlik karyerasına başlayan sabiq FIFA referisi 2008-2010-cu illərdə hakim köməkçisi, 2015-2017-ci illərdə isə baş hakim kimi beynəlxalq oyunlara təyinat alıb.
Bölmənin digər xəbərləri
