Ötən il qanunsuz miqrasiya fəaliyyətləri ilə əlaqəsi olan 15 əcnəbi şəxs saxlanılıb
Bakı, 13 may, AZƏRTAC
2024-cü il ərzində insan alveri və məcburi əmək halları ilə mübarizə məqsədilə həyata keçirilən tədbirlər çərçivəsində bir sıra miqrasiya məsələləri müəyyən edilib. Aparılan əməliyyat-axtarış tədbirləri nəticəsində ümumilikdə 4 qanunsuz miqrasiya kanalı ifşa edilib və bu fəaliyyətlərlə əlaqəsi olan 15 əcnəbi şəxs saxlanılıb.
AZƏRTAC xəbər verir ki, bu barədə məlumat Milli Məclisin İnsan hüquqları, Hüquq siyasəti və dövlət quruculuğu komitələrinin birgə iclasında təqdim olunan “İnsan alverinə qarşı mübarizə üzrə Milli Koordinatorun illik məlumatı”nda yer alıb.
Bu tədbirlər insan alverinin qarşısının alınması və potensial qurbanların müdafiəsi istiqamətində görülən işlərin tərkib hissəsi kimi qiymətləndirilir.
Bölmənin digər xəbərləri
