Pakistan və Əfqanıstan atəşkəs barədə razılığa gəlib
Bakı, 19 oktyabr, AZƏRTAC
Pakistan və Əfqanıstan arasında Dohada keçirilən danışıqlar zamanı dərhal atəşkəsin elan olunması barədə razılıq əldə edilib.
AZƏRTAC xəbər verir ki, bu barədə bəyanat Qətər Xarici İşlər Nazirliyinin “X” hesabında yer alıb.
“Danışıqlar zamanı tərəflər dərhal atəşkəs barədə razılığa gəliblər”, – bəyanatda qeyd olunur.
Sənədi Əfqanıstan və Pakistanın müdafiə nazirləri Məhəmməd Yaqub Mücahid və Xavaca Asif, həmçinin Qətər və Türkiyə nümayəndələri imzalayıblar. Münaqişə tərəflərinin nümayəndə heyətləri atəşkəs rejimini qorumaq və ona tam əməl etmək üçün yaxın günlərdə məsləhətləşmələr aparmağa razılaşıblar.
Bölmənin digər xəbərləri
