PAKİSTANDA TOYA GEDƏNLƏRLƏ DOLU AVTOBUSDA PARTLAYIŞ BAŞ VERMİŞDİR

12.12.2005 [22:14]
Çap et
A⁺ A^-

AZƏRTAC xarici KİV-lərə istinadla xəbər verir ki, Pakistanda toya gedənlərin olduğu avtobusda pirotexnika ilə dolu qutunun partlaması nəticəsində 40 nəfər ölmüş, 16 nəfər yaralanmışdır. Polisin məlumatına görə, Pakistanın Pəncab vilayətinin Lahor şəhərində baş vermiş faciənin günahkarları keyfiyyətsiz pirotexnika istehsalçıları və satıcılarıdır. Qadağa qoyulmasına baxmayaraq, bu qədər keyfiyyətsiz fişəngin kim tərəfindən istehsal edildiyi və satıldığı araşdırılır.

Hakimiyyət orqanları bəsit üsullarla hazırlanan pirotexnikanın satışını və təntənəli mərasimlərdə onlardan istifadə olunmasını qadağan etmişlər. Pakistanda, ümumiyyətlə Cənubi Asiyada fişənglərdən istifadə dəb halını almışdır. Bu səbəbdən də onların lisenziyasız istehsalı çox yayılmışdır. Nəticədə keyfiyyətsiz pirotexnikadan istifadə zamanı tez-tez faciəli hadisələr baş verir.

Pakistanın hakimiyyət orqanları kütləvi şənliklərin təşkilatçılarını Lahorda baş vermiş hadisədən ibrət götürməyə, təhlükəsizlik qaydalarına riayət etməyə, habelə bəsit üsullarla hazırlanmış pirotexnikadan istifadə etməməyə çağırırlar.

PAKİSTANDA TOYA GEDƏNLƏRLƏ DOLU AVTOBUSDA PARTLAYIŞ BAŞ VERMİŞDİR

MÜƏLLİFLƏ ƏLAQƏ

Bölmənin digər xəbərləri