PAKİSTANLI ÇAĞAYA UKRAYNALI XİLASEDİCİLƏRİN ŞƏRƏFİNƏ TARAS ADI VERMİŞLƏR
AZƏRTAC-ın Ukrinformdan aldığı xəbərə görə, dağıdıcı zəlzələdən ziyan çəkmiş Pakistan İslam Pespublikasına humanitar yardım aparan daha bir An-225 “Mriya” təyyarəsi oktyabrın 21-də Kiyevdən İslamabada yola düşmüşdür. Humanitar yardıma dərmanlar, ərzaq məhsulları, çadırlar və adyallar daxildir.
Pakistanın Beşam şəhərində Ukrayna Fövqəladə Hallar Nazirliyinin səyyar hospitalı çoxprofilli xəstəxana şəraitində işləyir. Ötən gün ərzində hospitalın mütəxəssisləri 316 zərərçəkənə, o cümlədən 48 uşağa tibbi yardım göstərmişlər. Hospitalda dünyaya gələn uşağa Ukrayna xilasedicilərin şərəfinə Taras adı vermişlər.
Bölmənin digər xəbərləri
