PARISDƏ AŞPA BÜROSUNUN NÖVBƏTI ICLASI KEÇIRILMIŞDIR
Azərbaycanın AŞPA-dakı nümayəndə heyətinin rəhbəri və qurumun büro üzvü Səməd Seyidov iclas barədə AZƏRTAC-ın müxbirinə məlumat verərək bildirmişdir ki, deputatlar yay sessiyasında Avropa Şurasının baş katibi vəzifəsinə namizədlərin fəaliyyəti və movqeləri barədə fikir mübadiləsi aparmış, bu vəzifəyə öz namizədliklərini irəli sürmüş Valter Şvimmer, Terri Devis və Kristina Oylandın məlumatları dinlənilmişdir. Büro iclasında bir çox məsələlərlə yanaşı, AŞPA-nın iyun ayında keçiriləcək sessiyasının gündəliyinin təsdiqi geniş müzakirə edilmişdir. Büro tərəfindən artıq təsdiq olunmuş gündəliyə ölkəmizlə bağlı məsələ salınmamışdır. Prezident İlham Əliyevin son əvf fərmanlarının, respublikamızda demokratik islahatlara geniş meydan verilməsinin və Azərbaycanın Avropa Şurası ilə əlaqələrinin konkret nəticəsi olaraq ölkəmizlə bağlı gündəliyə salınmış məsələ çıxarılmışdır. Lakin yay sessiyasının başlanmasına hələ 20 gün qalır. Sessiyanın gündəliyi ilə bağlı sonuncu müzakirələr iyunun 21-də Strasburqda keçiriləcəkdir. Azərbaycanla bağlı hər hansı məsələnin gündəliyə salınması hələ ki nəzərdə tutulmamışdır.
Bölmənin digər xəbərləri
