Parlamentlərarası İttifaqın prezidenti: Azərbaycan iqtisadi uğurlarına görə Heydər Əliyevə minnətdar olmalıdır
Bakı,16 may, AZƏRTAC
Xüsusi şəxsiyyətlər haqqında yaddaş əbədidir. Azərbaycan haqqında danışanda xüsusi şəxsiyyət kimi Heydər Əliyevi qürurla qeyd edə bilərik. Ulu Öndər Heydər Əliyev Azərbaycan üçün uzaqgörənliklə, əzmlə çalışıb. Azərbaycan iqtisadiyyatının və təsisatlarının uğurlarına görə Heydər Əliyevə minnətdar olmalıdır.
AZƏRTAC xəbər verir ki, bunu Parlamentlərarası İttifaqın prezidenti Duarte Paçeko Azərbaycan Milli Məclisinin Ulu Öndər Heydər Əliyevin anadan olmasının 100-cü ildönümünə həsr olunmuş xüsusi iclasında deyib.
“O bilirdi ki, ölkənin həqiqi müstəqilliyi onun dilindən, mədəniyyətindən asılıdır. Heydər Əliyev Azərbaycanda təhsil sisteminə xüsusi diqqət ayırırdı. Bu gün Azərbaycan dünyada çox gözəl tanınır və qəbul olunur, beynəlxalq müstəvidə ona hörmətlə yanaşılır. Azərbaycan multikulturalizm dəyərlərinə, sülh və əmin-amanlığa nail oldu. Azərbaycan Ulu Öndərin yolunu davam etdirir”, - deyə Duarte Paçeko əlavə edib.
Bölmənin digər xəbərləri
