Paşa İbrahimli ağır atletika üzrə ölkə çempionatında fəxri kürsünün ən yüksək pilləsinə qalxıb
Bakı, 24 mart, AZƏRTAC
Ağır Atletika Akademiyasında keçirilən kişilər, qadınlar və ustadlar arasında Azərbaycan çempionatında 69 kiloqram çəki dərəcəsində mükafatçılar məlum olub.
AZƏRTAC xəbər verir ki, bu çəkidə ölkə çempionu 288 kiloqram (133+155) nəticə ilə Paşa İbrahimli olub. İkinci yeri 276 kiloqram (133+143) nəticə ilə Kənan Xəlilov tutub. Üçüncü yerə isə 267 kiloqram (122+145) nəticə ilə Füqan Əliyev yiyələnib.
Gənclər və İdman Nazirliyi və Azərbaycan Ağır Atletika Federasiyasının birgə təşkil etdiyi yarışda ölkənin bütün bölgələrindən 100-ə yaxın atlet mübarizə aparır.
Bölmənin digər xəbərləri
