Paytaxtda 9 mindən çox müəllimi əhatə edən təlimlər keçirilib
Bakı, 24 dekabr, AZƏRTAC
Bakı Şəhəri üzrə Təhsil İdarəsi (BŞTİ) tərəfindən təqvim ili ərzində ümumi təhsil müəssisələrində fəaliyyət göstərən 9 min 95 müəllimi və məktəbəqədər təhsil müəssisələrində çalışan 232 tərbiyəçi-müəllimi əhatə edən təlimlər keçirilib.
Bu barədə AZƏRTAC-a BŞTİ-dən məlumat verilib.
Bildirilib ki, təlimlər məktəb-valideyn əməkdaşlığı, məktəb idarəçiləri üçün effektiv ünsiyyət strategiyaları, məktəb idarəetməsində İKT və süni intellektin tətbiqi, data əsaslı yanaşma, tədrisdə differensial yanaşma, məktəbəqədər təhsil müəssisələrində pedaqoji heyətin peşəkarlıq səviyyəsinin artırılması və digər mövzulara həsr olunub. Həmçinin fənn müəllimləri üçün ixtisasartırma və metodiki seminarlar təşkil edilib.
Bölmənin digər xəbərləri
