Paytaxtın bu küçələrinin kəsişməsində yol hərəkəti təhlükəsizliyi artırılıb
Bakı, 10 mart, AZƏRTAC
Mütəmadi olaraq yol-nəqliyyat hadisələrinin qeydə alındığı Təbriz Xəlilbəyli və Həzi Aslanov küçələrinin kəsişməsində yol hərəkətinin təhlükəsizliyi səviyyəsinin artırılması məqsədilə zəruri tədbirlər görülüb.
Bakı Nəqliyyat Agentliyindən AZƏRTAC-a bildirilib ki, qəza ocağı kimi tanınan kəsişmə agentliyin mütəxəssisləri tərəfindən araşdırılıb. Əldə olunan nəticələr təhlil edilərək həlli istiqamətində işlərə başlanılıb. Bu işlər çərçivəsində kəsişmədə sürət məhdudlaşdırıcı maneələr və nəqliyyat güzgüsü qoyulub.
Bölmənin digər xəbərləri
