Poçt şöbələrinin fəaliyyəti məhdudlaşdırılır
Bakı, 5 iyun, AZƏRTAC
Azərbaycan Respublikası Nazirlər Kabinetinin Bakı, Sumqayıt, Gəncə, Lənkəran şəhərlərinin və Abşeron rayonunun ərazisində xüsusi karantin rejiminin sərtləşdirilməsi ilə bağlı əlavə tədbirlər barədə 2020-ci il 4 iyun tarixli Qərarına uyğun olaraq Nəqliyyat, Rabitə və Yüksək Texnologiyalar Nazirliyinin tabeliyindəki “Azərpoçt” MMC-nin müvafiq poçt şöbələrinin fəaliyyəti müvəqqəti dayandırılacaq.
Nazirlikdən AZƏRTAC-a bildirilib ki, qeyd edilən ərazilərdə yerləşən bütün poçt şöbələri, eyni zamanda, Bakı və Sumqayıt şəhərlərindəki “Şəbəkə” xidmət mərkəzləri iyunun 5-i saat 14:00-dan iyunun 8-i saat 08:00-dək xidmət göstərməyəcək.
Bakı, Sumqayıt, Gəncə, Lənkəran şəhərləri və Abşeron rayonu istisna olmaqla digər şəhər, rayon, kənd poçt şöbələri, həmçinin Cəlilabad, Zaqatala və Ağdaş şəhərlərindəki “Şəbəkə” xidmət mərkəzləri əvvəlki iş rejiminə uyğun olaraq fəaliyyətlərini davam etdirəcək.
Bölmənin digər xəbərləri
