Polşa Belarusla sərhədə əlavə qoşun yığır
Bakı, 21 iyul, AZƏRTAC
Polşa Müdafiə Nazirliyi Belarusda “Vaqner” qruplaşmasının iştirakı ilə təlimlərin planlaşdırıldığı barədə xəbərlərdən sonra bu ölkə ilə sərhədə əlavə qoşun yerləşdirmək qərarına gəlib.
AZƏRTAC xəbər verir ki, bunu Polşa təhlükəsizlik komitəsinin nümayəndəsi Zibqnev Hofman deyib. Polşanın hakimiyyət orqanlarının fikrincə, Belarus ordusu ilə “Vaqner” qruplaşmasının birgə təlimləri təxribatdır.
Belarus Müdafiə Nazirliyinin mətbuat xidmətinin məlumatına görə, ölkənin Silahlı Qüvvələri “Vaqner” qruplaşması ilə birlikdə Polşa ilə sərhəd yaxınlığında yerləşən Brest poliqonunda bir sıra döyüş hazırlığı tapşırığı üzərində çalışacaq. Bundan başqa, “Vaqner” döyüşçüləri Mogilyov vilayətinin Osipoviç şəhəri yaxınlığında yerli ərazi qoşunlarının təlimində iştirak edir.
İyulun əvvəlində Polşa Silahlı Qüvvələrinin Baş komandanlığı 12-ci və 17-ci briqadaların 1000 hərbçisinin və 200-ə yaxın texnikasının ölkənin şərqinə dislokasiya olunması barədə qərar qəbul edib.
Bölmənin digər xəbərləri
