Polşa ordusunda hərbçilərin sayı 186 minə çatdırılıb
Bakı, 5 oktyabr, AZƏRTAC
Polşa silahlı qüvvələrdə qulluq edən hərbçilərin sayını son səkkiz ildə təxminən iki dəfə artıraraq 186 min nəfərə çatdırıb.
AZƏRTAC xəbər verir ki, Polşanın müdafiə naziri Mariuş Blaşak bu barədə özünün sosial şəbəkə hesabında yazıb.
“Artıq bizim əlində silah olan 186 minlik ordumuz var. Polşa tədricən Avropanın ən güclü quru qoşunlarını formalaşdırır”, - deyə nazir bildirib.
Polşa hökumətinin nümayəndəsi Petr Müllerin sözlərinə görə, 2015-ci ildə silahlı qüvvələrdə 95 min hərbçi xidmət edirdi. Bir müddət öncə isə Polşa Müdafiə Nazirliyi 2035-ci ilə qədər hərbçilərin sayının 300 min nəfərədək artırılacağını bəyan etmişdi.
Bölmənin digər xəbərləri
