POLŞA ÖZ ƏRAZİSİNDƏ İRANA XOLOKOSTU TƏDQİQ ETMƏYƏ İMKAN VERMƏYƏCƏK
AZƏRTAC xəbər verir ki, Polşanın “Reç Pospolita” qəzetinin yazdığına görə, İran İkinci dünya müharibəsi illərində nasistlərin törətdikləri hərbi cinayətlərin miqyasını öyrənmək üçün Polşaya tədqiqat qrupu göndərmək niyyətindədir. Polşa XİN başçısı bu xəbərə çox kəskin reaksiya vermişdir. O, ölkənin PAP agentliyinə müsahibəsində demişdir: “Biz Polşa ərazisində bu cür işlər görülməsinə heç bir halda yol verməməliyik”.
Xatırladaq ki, bu yaxınlarda İran Prezidenti Mahmud Əhmədinejad Xolokostu uydurma adlandırmışdır. Bundan azacıq sonra İranın xarici işlər naziri Mənuçehr Mottəki Avropadakı keçmiş nasisit ölüm düşərgələrinə “müstəqil tədqiqatçılar” qrupu göndərmək istədiyini açıqlamışdır.
Bölmənin digər xəbərləri
