POLŞADA FƏALİYYƏT GÖSTƏRƏN “QAFQAZ EVİ” RƏSMİ QEYDİYYATDAN KEÇMİŞDİR
Xarici Ölkələrdə Yaşayan Azərbaycanlılarla İş üzrə Dövlət Komitəsindən AZƏRTAC-a bildirmişlər ki, Polşadakı “Qafqaz evi” cəmiyyəti öz fəaliyyətini rəsmiləşdirmişdir.
Bu ilin martında Varşava şəhərində təsis edilmiş “Qafqaz evi” rəsmi qeydiyyata alınmışdır. Azərbaycanlı Hicran Əliyeva “Qafqaz evi”nin prezidenti seçilmişdir.
Hicran Əliyeva bildirmişdir ki, “Qafqaz evi”ndə bu ölkədə yaşayan Azərbaycan, Gürcüstan və Ermənistandan olan nümayəndələr iştirak edəcəklər. Digər Qafqaz xalqları nümayəndələrinin də qurumda iştirakı nəzərdə tutulur.
“Qafqaz evi” adlı qurum ilk dəfə Birinci Dünya müharibəsi zamanı Polşaya köçən qafqazlı miqrantlar tərəfindən yaradılmışdır.
Maraqlananlar qurumun fəaliyyəti ilə www.domkaukaski.org saytında tanış ola bilərlər.
Bölmənin digər xəbərləri
